| 200906251.今天的事今天做，明天還有新功課；公司的事屋企做，天天都有deadline到。 2.慘綠青年給慘綠少年的一席話：「學子們呀學子，趁後生媾多o的學生妹啦，大個先媾畀人笑金魚佬o架；學子們呀學子，千祈咪索K呀，隊草hip好多o架；學子們呀學子，學好英文呀，搵多好多錢o架；學子們呀學子，好好享受校園生活呀，出到o黎社會就知返學幾過癮喇！」 3.馬拉仔評港產特技大作trailer：「佢本身故仔同特技都好睇，但無端白事抄咩《戰狼300》呀，仲要抄得咁核突，成齣戲就好似一杯水咁，無端加哩滴尿落去，雖然只係一滴，但都唔會有人飲囉。」 4.老闆紫蕉理論：「班客就好似馬騮咁，你叫佢o係堆蕉度揀，就會嫌三嫌四嫌青嫌熟，但你堆蕉中間忽然有隻紫色蕉，佢就只會專心一意留意o個一隻，所以我o地交片時應該加入一個明顯到盲人都睇到o既錯誤，吸引馬騮o既注意力，改一個錯好過佢吹毛求疵係o野都亂咁話要改一餐。何況話改都係擺款扮有料之嘛，你估真係唔滿意咩，等佢拎住隻紫蕉以為自己好叻好醒目捉到錯處咪好囉。」 5.Ken Loach：「A comedy is a tragedy with a happy ending。」 |
| |
| 200906201.唔制！我又要新玩具！ 2.人o地玩三國誌夢幻西餐廳，有錢律師老闆就玩真production house，我成為大玩具其中一份子，日日做o野拎經驗值升哩佢就最開心，玩玩玩，根本冇諗過賺錢，遑論諗過我。 3.意大利仔：「部cam本來女朋友o架，但依家經已屬於我。」眾人異口同聲：「Well done！」佢繼續：「哩o的事女人做得太多，我o地一有機會就要把握番！」眾人異口同聲：「阿樂學o野喇！」剛畀人呃o左o既受害者心諗：「多謝你呀，偶像！我去增高整容學按摩讀風水囉。」 4.那夜我上人山人海，見到雁石分天講英文，但當阿頭講：「成日行出行入都撞到明哥o架啦，你唔係未撞過呀嘛？」我愴然涕下。 5.為了薪金一萬元，令每天都沒了沒完，一萬元一萬元一萬元，靈魂賣給了大財團。
|
| |
| 200906171.Mac Book Pro、harddisk、高清電視、blu-ray連amp連7.1、天后千八呎單位...以上春夢隨著歌曲煙消雲散：「山標冇得中，橫財難碰，定必一世窮！」 2.我竟然唔係第一個辭職！有冇搞錯？ 3.我特登走去資料館以三舊水申請張爛鬼證睇《鞭風滅燭》後駭然發現youtube竟然有得睇仲要清過個死人跳花矇VHS版本！ 4.每次睇《羅密歐與茱麗葉後現代激情篇》都硬係覺得差少少－－點解中文字幕唔可以譯到好似脾罅o的英文咁靚... 5.繼杜蟲藥、大碼模特兒、香薰、渡假屋會籍後，市面上另一呃錢陷阱－－黃耀明又出精選！ |
| |
| 200906101.老闆私下同人講：「睇住佢(即係我)呀，o的香港人唔滿意又唔出聲，唔聲唔聲就辭職o架。」 2.意大利仔：「次次行過阿樂個位都見佢睇soft porn！」佢唔明，我只不過同九成上班族一樣，睇蘋果之嘛－－剩番o個一成係公務員，真係上緊鹹網。 3.件事就好似一個唔識拍o野o既懵丙被影評人評為「拍出獨特風格、打破電影語言界限、手搖outfoc中帶出城市人o既鄉草氣色同現代人o既疏離」一樣咁荒謬而好笑－－好笑在發生o係我身上。 4.六月四號晚，小孩稚氣地問媽媽：「我可唔可以吹呀？」 5.零距離睇過Jamie Cullum後，深深迷上...更令人著迷係，佢讀film出身！
|
| |
